Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

 Entrevista Primeiru-Ministru Taur Matan Ruak nian ho Jornalista sira hafoin Enkontru semanal ho Prezidente Repúblika

Palasiu Prezidente, Nicolau Lobato, 7 Novembru 2019

S.E. Primeiru-Ministru Taur Matan Ruak: Ne’e enkontru semanal ho Nai Prezidente Repúblika, informa atividade uitoan ba Sr. Prezidente Repúblika, ida mak ko’alia kona-ba ita-nia situasaun seguransa iha ita-nia rain insidente ki’ikoan sira ne’ebé iha, hanesan foin dadauk akontese iha Balibó, insidente sira ne’e Finadu akontese iha fatin-fatin, segundu mak ko’alia kona-ba dezastre naturais, terseiru ko’alia uitoan kona-ba misaun da pás, ita-nia forsa  sira ne’ebé atu integra iha kontijente Portugal nian ba misaun ONU nian, ne’e mak ideia jerál ke informa ba Sr. Prezidente. Informa mós ba Prezidente desizaun Governu nian nomeia Prezidente foun ba Autoridade RAEOA nian, Sr. José Luís Guterres”, esplika Xefe Governu ba jornalista sira hafoin remata enkontru semanal ho Prezidente Repúblika.

Timor Post: Antes ne’e mós Sr. José Luís Guterres naran tama iha lista ba Embaixador, ne’e oinsá?

PM-Taur Matan Ruak: Ne’e sei invalida.

Jornalista : Kona-ba nomeasaun Sr. José Luís Guterres nian ne’e haree husi parte saida?
PM-Taur Matan Ruak: Haree hosi kompeténsia, nia iha esperiénsia Vise Primeiru-Ministru, lidera mós rezisténsia nian no mós integra nia an iha Governu barak, portantu Governante ida ke esperiénsia barak lós.

Tempo Timor: Públiku preokupa katak, governasaun ita-boot nian depende liu ba iha asesór internasionál i ida seluk kona-ba relatóriu EFC hatudu katak Timor-Leste lakon ho nasaun konflitu sira liuliu iha parte negósiu ninian, oinsá Governu nia haree ba ida ne’e?

PM-Taur Matan Ruak: Primeiru, tuir ha’u nia haree, ita-nia nasaun seidauk bele hamriik seim apoiu asesór internasionál, ne’e iha ne’ebé de’it. Tinan sanulu resin hitu (17) seidauk sés an ba ida ne’e, la’ós ha’u foin tama mai ne’e mak halakon tiha ida ne’e. Seidauk bele, alias pais barak ké mezmu esperiénsia barak mós presija.

Segundu kona-ba ita-nia ambiente negósiu nian iha nivel mundial, klaru ké ita preokupa ita-nia ambiente nivel negósiu nian, Governu tenke serbisu maka’as para hadi’a ambiente ida ne’e. Ne’e la fasil tanba mundu ohin ne’e kompetitivu liu, primeiru ita 17 anos, 17 anos ita labele kompara ita-nia an ho nasaun sira ne’ebé avansadu. Segundu kondisaun ne’ebé nasaun sira fó ba sira nia emprezáriu sira di’akliu ita-nian, entaun ita mós esforsa para tenke fó di’ak aleinde ké ema barak sei konsidera ita-nia nasaun hanesan nasaun ida foin sai hosi konflitu. Ita dala ruma halo kiós, ita ta’uk arte marsiais mai sunu tiha karik, ema lori osan milloins ne’e nia tenke haree ida ne’e, entaun ita mak tenke hatudu katak ita iha kbiit ona para jere ita nia nasaun, kbiit ona para fó ambiente negósiu ida di’ak mas pelu faktu imi haree ita foin dadauk lori investidor mina sira mai ita-nia rain, ho inisiativa sira  investimentu iha área petróleu, ne’e hatudu katak neineik ba neineik ema komesa konfia ita-nia rain, soké seidauk to’o,  ita tenke halo maka’as liután, ita nia instituisaun sira tenke forte, tenke kombate burokrasia, ita halo sasán lais, transparénsia, ne’e importante tebes.

GMN-TV: Xefe Governu, CNRT Ameasa katak sei vota kontra OJE 2020, tanba Orsamentu montante boot liu, maizumenus pozisaun Governu nian oinsá?

PM-Taur Matan Ruak: Pozisaun Governu nian mak halo proposta, Parlamentu nia papel mak vota a favor ka kontra, Prezidente nian mak promulga, ne’ebé organizmu ne’e hanesan ne’e, ida-idak iha nia funsoins, ami-nia mak aprezenta, agora atu vota ka la vota ne’e Parlamentu mak hatene.  Obrigadu

HOTU