Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

Entrevista S. Exa. Primeiru-Ministru Taur Matan Ruak  ho Jornalista sira Iha Ámbitu Enkontru Semanal ho S. Exa. Prezidente Repúblika

Palasiu Prezidente, Nicolau Lobato, Bairro-Pite

Kinta-Feira, 05 Setembru 2019

Primeiru-Ministru-Taur Matan Ruak: Em primeiro lugar bom dia ba ita-boot sira hotu, i ha’u mós hakarak fó parabéns ba imi tanba imi halo kobertura ba ita nian serimónia sira ne’e di’ak los i transmite ba imi nian Xefe sira katak Governu kontente los ba imi nian servisu.

Segundu: Ne’e enkontru semanal ho S. Exa. Sr. Prezidente da Repúblika, ha’u iha semana rua tanba serimónia sira ne’e ha’u la mai, ne’e mak ohin ha’u filafali mai liuliu informa situasaun sira ba Sr. Prezidente da Repúblika; ida ba ita nian serimónia sira ne’e buat hotu la’o di’ak biar iha problema ki’ik oan-kik oan kona-ba protokolu, kona-ba ida ne’e mas em jerál buat hotu-hotu la’o di’ak, i ha’u hakarak aproveita ida ne’e fó parabéns ba ita-nian Komisaun Organizadora, parabéns ba ita nian sidadaun sira ba sira nian kontribuisaun ba sira nian apoiu tomak para ké serimónia sira ne’e bele la’o ho di’ak tantu iha nível Munisípiu sira hanesan mós iha sidade Kapitál Díli.

Informa mós ba S. Exa. Sr. Prezidente da Repúblika katak ita agora ne’e besik ona ba komisaun revizaun orsamentu bele hahú diskute no halo avaliasaun, revê orsamentu ba 2020 nian, entaun komisaun revizaun orsamentu hahú iha segunda feira, dia 09 to remata, entaun ne’e ida mak ha’u informa ba  S. Exa. Sr. Prezidente da Repúblika.

Terseiru: informa mós kona-ba prezensa delegasaun ASEAN nian ké boot los, sira mai iha ne’e para haree, rekolla faktu kona-ba ita nian dezenvolvimentu para bele haree lori filafali para ké sira haree, diskute kona-ba possibilidade ita nia adezaun nian.

Ne’e hanesan asuntu sira ne’ebé importante ké ha’u informa ba S. Exa. Sr. Prezidente da Repúblika.

Jornalista Timor Post: Primeiru-Ministru ohin dehan semana oin diskute ona revizaun orsamentu 2020, maibé ita haree ba agora Membru Governu seidauk kompletu ne’e oinsá?

Primeiru-Ministru Taur Matan Ruak: Ne’e problema seluk ida, revizaun orsamentu ne’e problema seluk ida. Revizaun orsamentu ne’e iha relasaun ho orsamentu ba 2020 nian, se tanba Governu la kompletu mak ita la tau osan entaun ita nian nasaun la la’o ne’e ita halo tiha ona tinan ida ho balun ké Governu la’o ona hanesan ne’e, naturalmente diskusaun ba ida ita-boot ko’alia kona-ba oinsá mak kompleta Governu ne’e kontinua, ne’e la’ós prosesu ida ké hotu karik ita halo tiha hotu ona, se to agora seidauk e porké tenke halo esforsu para kontinua diskute nafatin.

Jornalista STL: Ita komemora ona Loron Konsulta Popular, Governu iha ona planu sei halo komemorasaun ba tinan 30 iha fulan Outubru prezensa Amo Papa iha Timor?

Primeiru-Ministru Taur Matan Ruak: Ha’u rona, mas seidauk hatene sei iha  ka lae, mas karik iha naturalmente ne’e Dioseze mak sei organiza!

Jornalista STL: Relasiona ho Membru Governu sira ne’ebé seidauk kompletu bainhira lós mak rezolve?

Primeiru-Ministru Taur Matan Ruak: Ita-Boot sira hein de’it aban dalaruma keta hadeer mai keta iha ona karik ne’e ita la hatene, ita-boot sira hein de’it!

Jornalista RTTL: Proposta OJE 2020 ne’e mais ou menus Governu propoin hira?

Primeiru-Ministru Taur Matan Ruak: Ami haree no tetu 1.6 mas orsida halo revizaun mak ita haree bele ko’a, bele hatún, bele hasa’e, i hasa’e tanba saída? Hatún karik tanba saída?

Jornalista RTTL: Liga fali ba Orsamentu 2019 relatório rasik hosi Ministério sira seidauk aprezenta hotu?

Primeiru-Ministru Taur Matan Ruak: Kuandu halo diskusaun orsamentu iha rekizitu iha ne’ebá lei ké ita tenke kumpri, ita kuandu la kumpri ita la halo.

Jornalista RTTL: Primeiru-Ministru oinsá ho foin lalais diskursu Prezidente da Repúblika nian katak ekonomia rai laran la’o hakdasak, kampu traballu laiha halo joven sira tenke ba buka moris iha rai li’ur?

Primeiru-Ministru Taur Matan Ruak: Ita halo esforsu para ita kria, só ké la fasil ba nasaun ida tinan 17, karik gampang (fasil) karik ita rezolve tiha tempu kleur ona la’ós agora, ne’ebé ita sei esforsu nafatin.  HOTU