Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

Dili, 2 Outubru 2018: S. Exa. Primeiru-Ministru Taur Matan Ruak, loke ofisíalmente abertura reuniaun annual Konsellu Administrativu Organizasaun Ministru sira Sudeste Áziatiku nian (Southeast Asian Ministers of Education Organization-SEAMEO INNOTECH) ba dala 62^a, tersa-feira ohin,  iha Ótel Ramelau, Dili.

Iha diskursu abertura, Xefe Governu fó bem-vindu ba membru no diretiva SEAMEO INNOTECH nian iha reuniaun annual refere, espesiál ba Vise Ministru Edukasaun Filipina nian nu’udar kualidade reprezentante Prezidénsia Konsellu Ministru organizasaun ne’e nian, hodi hateten katak, hamutuk iha ekipa ne’ebé adekuadu no krtiterioza bele fahe pontensialidade ba benefísiu povu nian.

Xefe Governu hateten, importánsia Timor-Leste nia integrasaun no partisipasaun ativamente iha organizasaun refere, atu bele hetan inovasaun ruma ba sistema edukasaun iha Timor-Leste.

 Iha momentu ne’ebé ita hakarak redús dependensia esesivamente ba fundu petrolíferu, ne’ebé ezije diversifika fontes rendimentu non petróleu, ita tenke aproveita rede oportunidade seluk liuhosi rede promosaun siénsia, edukasaun, kultura, inovasaun no teknolojia, ne’ebé fó ba ita la’ós de’it iha nivel SEAMEO Innotech, mas mós iha plataforma internasionais no intergovrenamentais ne’ebé Timor-Leste hola parte ba, hanesan ASEAN, ONU, CPLP, Ázia Pasífiku no seluk” dehan Xefe Governu.

Tinan ne’e Ministériu Edukasaun Timor-Leste mak sai uma na’in ba reuniaun annual Konsellu Administrativu Organizasaun SEAMEO Innotech ba dala 62^a, hafoin deside liuhusi reuniaun annual tinan kotuk iha Filipina. Reuniaun ne’e sei  hala’o ba loron tolu, entre loron 2 to’o loron 5 fulan Setembru 2018.

Organizasaun ne’e harii iha loron 30 fulan Novembru 1965, iha Filipina ho membru nasaun sanulu resin ida hanesan, Filipina, Indonézia, Brunei Darussalam, Kambodia, Laos, Myanmar, Malaysia, Singapura, Tailándia Vietnam no Timor-Leste (adere 2006) inklui membru asosiadu hanesan Austrália, Kanadá, Fransa, Alemaña, Olanda, Nova Zelandia, España no Reinu Unidu.

Objetivu SEAMEO nian mak: Atu promove kooperasaun entre nasaun sira Sudeste Aziátiku nian liuhosi edukasaun, siénsia no kultura hodi respeita ba justisa no estadu de direitu, diretu umanu no liberdade fundamental nasaun ida-idak nian.

Hola parte iha reuniaun annual refere mak hanesan, Ministru Edukasaun Juventude no Desportu, Dulce de Jesus, ho nia Vise, João Zacarias Freitas, Vise Ministru Edukasaun Filipina nu’udar Reprezentante Prezidénsia Konsellu Ministru SEAMEO nian, no reprezentante Ministériu Edukasaun hosi nasaun membru sira. HOTU

#MediaGPM