PM TAUR MATAN RUAK IHA ENKONTRU SEMANAL HO PR
Sorry, this entry is only available in Tagalog and European Portuguese. For the sake of viewer convenience, the content is shown below in this site default language. You may click one of the links to switch the site language to another available language.
PM TAUR MATAN RUAK IHA ENKONTRU SEMANAL HO PR
- Informa Preparativu ba Komeorasaun Loron Konsulta Popular no Tomada de Pose Embaixadór
Dili, 15 Agostu 2019: S.Exa. Primeiru-Ministru Taur Matan Ruak, kinta-feira ne’e hala’o enkontru semanal ho Prezidente Repúblika Dr. Francisco Guterres Lú Olo iha Palasiu Prezidente Nicolau Lobato Dili, hodi informa ba Xefe Estadu kona-ba preparativu ba komemorasaun loron Konsulta Popular (Referendu) loron 30 Agostu no diskute uitoan kona-ba Embaixadór sira ne’ebé Governu propoin kleur ona ba Xefe Estadu maibé seidauk iha desizaun ruma.
“Ne’e enkontru semanal ho S.E. Sr. Prezidente Repúblika, ko’alia asuntu rua de’it, ida mak preparativus ba dia 30 Agostu nian no ida seluk mak kona-ba tomada de pose Embaixadór, nain tolu toma tiha ona pose, restu seidauk sei buka oinsá mak rezolve para toma tan pose, ne’e de’it”, dehan Xefe Governu ba jornalista sira hafoin remata enkontru semanal.
Lee mos entrevista jornalista sira ho Primeiru-Ministru :Entrevista-s-exa-primeiru-ministru-taur-matan-ruak-ho-jornalista-sira-iha-ambitu-enkontru-semanal-ho-prezidente-republika15-08-19/#.XVTq7OgzaUk
Kona-ba preparasaun ba komemorasaun tinan 20 Konsulta Popular Governu halo ona preparasaun másimu atu selebrasaun iha loron 30 Agostu bele la’o di’ak.
Enkuantu kona-ba lista Embaixadór, tuir Xefe Governu katak, Prezidente Repúblika hakarak buka informasaun tan kona-ba kandidatu Embaixadór sira nian, tanba ne’e Xefe Governu husu ona ba Ministru Negósiu Estranjeiru Dionísio Babo atu fó tan informasaun ba Gabinete Prezidente Repúblika nian, nune’e bele iha desizaun ba tomada de pose tuir mai.
“La’ós dezentendimentu, iha balun ke presija haree, tanba ne’e mak ha’u husu ona para Ministru Negósiu Estranjeiru fó tan informasaun ba Prezidente Repúblika nia gabinete para depois preparativus saida mak sei halo para sira seluk ne’e toma pose, ne’ebé sei iha tempu”, tenik Prezidente Repúblika ba dala 5 ne’e. HOTU