Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

Dili, 29 Agostu 2019: S.Exa. Primeiru-Ministru Taur Matan Ruak , ohin konvida  sidadaun sira hotu liuliu joven sira iha kapitál Dili, atu partisipa másimu iha serimónia topu komemorasaun tinan 20 Referendu (Konsulta Popular no Misaun INTERFET ne’ebé sei realiza iha Tasi Tolu, Sesta-feira semana ne’e, loron 30 fulan Agostu 2019 ne’ebé sei marka prezensa hosi bainaka importante sira  hosi nasaun 38 , hanesan Enviadu Xefe Estadu sira, Xefe Governu, Ministru  reprezentante espesiál, ativista sira ne’ebe iha tempu okupasaun apoia Timor-Leste nia luta no eis staf UNAMET sira.

“Festa ida ne’e la’ós tinan-tinan mak ita halo, se ita haree didi’ak tinan-tinan ita la halo hanesan ne’e, tinan ida ne’e ita deside la’ós de’it ita halo mesak, mas ita konvida sira hotu ne’ebé mak enfrenta situasaun difisil iha 1999 atu partisipa, hodi hateke filafali ba kotuk hahú hosi ne’ebá (1999) to’o iha ne’e, saida mak ita halo ona! dezafiu sida mak ita iha!  no oinsá reforsa ita-nia serbisu hamutuk para la’ós de’it dezenvolve ita-nia nasaun, mas ita mós fó ita-nia kontribuisaun ba dezenvolvimentu umanidade nian no pás iha mundu. Tanba ne’e oportunidade di’ak loos ha’u apela ba ita-nia inan-aman sira, jovem sira paraké labele lakon tempu partisipa iha festa ida ne’e (Serimónia Topu) ba hasai fotografia halo memoria, ohin la iha signifikadu, mas tinan 20 mai o sei hateten, ha’u mós uluk iha ne’ebá festa boot 20 anos Referendu, ida ne’e importante tan istória la halo bebeik iha lorloron, mas halo dala ida iha époka ida, entaun ne’e importante loos ita-boot sira partisipa.  Dala ida tan ha’u apela ba sidadaun sira liuliu ha’u-nia oan joven sira partisipa iha serimónia ida ne’e hanesan mós tempu kampaña 1999 ita enerjétiku loos partisipa”, Taur Matan Ruak Primeiru-Ministru. HOTU

Sikuensia Porgrama ba atividade iha Tasi Tolu, loron 30 Agostu 2019:  https://www.gpm.gov.tl/tl/programa-ba-atividade-komemorasaun-loron-konsulta-popular-ba-dala-20-iha-tasi-tolu-30-agostu-2019/#.XWcy9igzaUk