Primeiru-Ministru Taur Matan Ruak no Governadór BCTL diskute sistema finanseira ligadu ba programa Governu
Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.
Dili, loron 19 fulan-outubru tinan 2020 – Sua Eselénsia Primeiru-Ministru Taur Matan Ruak no Governadór Banku Sentrál Timor-Leste (BCTL) Abraão de Vasconcelos, iha sorumutu segunda lokraik ne’e iha Palásiu Governu, diskute asuntu kona-ba sistema finanseira ne’ebé BCTL dezenvolve ona ne’ebé liga ho programa Governu nian hanesan sistema pagamentu no sistema moratóriou kréditu nian hodi bele fasilita Governu di’ak liu.
“Ohin mai enkontru ho S.E. Primeiru-Ministru, ne’e ha’u mak husu atu ko’alia asuntu balun ne’ebé presija trata Governu ho Banku Sentrál. Asuntu sira ne’ebé Banku Sentrál aprezenta mak iha programa lubuk ida ne’ebé Banku Sentrál lansa durante ne’e liuliu iha dezenvolvimentu sistema finanseira, ha’u mai update ba S.E. Primeiru-Ministru uitoan no mós husu para investimentu sira ne’ebé Banku Sentrál halo iha sistema finanseira, Governu bele aproveita liuhosi programa sira ne’ebé mak introduz hanesan sistema pagamentu nasionál ne’ebé mak ita boot sira hatene agora dezenvolve di’ak uitoan kompara ho tinan hirak ikus, i husu Governu atu aproveita sistema ida ne’e”, esplika Governador BCTL ba imprensa sira hafoin sorumutu.
Liután nia esplika: “Iha mós diskusaun uitoan kona-ba programa Governu ninian, ba tinan oin, halo nusa mak Banku Sentrál bele ajuda implementa programa iha parte ekonomia ninian, hanesan ita-boot sira hatene, Banku Sentrál ajuda Governu programa moratóriou ba kréditu ne’ebé sei termina iha fulan ida ne’e entaun mai esplika ba Sr. Primeiru-Ministru sobre implementasaun programa ida ne’e. agora daudaun Banku Sentrál serbisu hamutuk ho MKAE haree hela atu implementa programa seluk ida, programa kréditu balun, espera iha tempu balun oin mai, planu ne’e bele implementa nia detallu iha pois Governu mak sei anunsia ida ne’e”, tenik.
Xefe Governu apresia no simu pozitivu ideia hosi Banku Sentrál nia, no fiar katak ba oin Banku Sentrál bele kontribui ajuda di’ak liu Governu nia empeñamentu.HOTU/M-GPM