Sorry, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

Dili, 30 Abril 2020: S.Exa. Primeiru-Ministru Taur Matan Ruak iha kinta feira ohin hala’o enkontru semanal ho Prezidente Repúblika Dr. Francisco Guterres Lú Olo iha Palasiu Prezidente Nicolau Lobato, hodi informa pontu  tolu (3) mak hanesan,  kona-ba  aprovasaun  Dekretu Governu ba Estensaun Estadu Emerjénsia, Preparativu ba minimiza Impaktu  Sósiu Ekonómiku relasiona ho surtu COVID-19 no  informa kona-ba vontade Governu nian atu kompleta membru Governu ne’ebé  atu tama ona tinan rua seidauk prienxe.

“Ne’e enkontru semanal ho S.E Señór Prezidente ha’u informa asuntu tolu: Kona-ba Estadu de Emerjénsia horisehik mak Governu aprova dekretu Governu nian ba implementasaun Estadu de Emerjénsia i iha dekretu ne’e halo alterasoins uitoan i alterasoins ne’e liuliu kona-ba transportes públiku iha ne’e ami autoriza para táxi sira la’o, mikrolet sira bele la’o, bus bele la’o maibé Ministériu Transporte i Komunikasaun sei estabelese regra para sira kumpri. Ami mós tau artigu kona-ba penalizasoins sé mak la kumpri ne’e sei iha penalizasoins ne’e primeiru kestaun kona-ba Estadu de Emerjénsia nian.

Segundu, ko’alia kona-ba Preparativus, medidas ne’ebé atu minimiza impaktu ekonómiku, Sosiál iha ita-nia populasaun sira-nia moris mai husi korona, informa mós ba S.E katak ami servisu iha parte lei nian, dekretu sira para implementasaun i se buat hotu la’o di’ak komesa fulan oin, fulan Maiu dia 15 ba oin hanesan ne’e bele komesa implementa ona, no ikus  informa ba S.E. katak Governu hakarak kompleta ninia membrus do Governu i iha tempu badak ha’u sei haruka naran hotu mai S.E señór Prezidente da Repúblika para fó pose, tanba ha’u-nia Governu ne’e besik tinan rua lao ho roda tolu de’it entaun ha’u hakarak kompleta tan roda ida”, esplika Xefe Ezekutivu hafoin remata reuniaun semanal ho Prezidente Repúblika.HOTU