Desculpe, este conteúdo só está disponível em Tagalogue. Por uma questão de conveniência para o utilizador, o conteúdo é mostrado abaixo no idioma alternativo. Pode clicar na ligação para alterar o idioma activo.

Dili, 23 Abril 2020: S.Exa. Primeiru-Ministru Taur Matan Ruak, kinta ohin lokraik ne’e sei konvoka reuniaun Komisaun Interministerial ba asuntu kombate Koronavírus hodi halo diskusaun ikus kona-ba pakote medida ekonomia ne’ebé aprova ona iha Konsellu Ministru loron segunda feira semana ne’e.

“Bom, hanesan ita-boot sira hatene, durante ne’e Governu halo hela esforsu, orsida lokraik mak ami sei halo diskusaun ikus liu kona-ba pakote tomak ne’e, i entaun kuandu aprova ona naturalmente Ministériu sira sei dissemina informasaun ba populasaun tomak para hatene intervensaun Governu nian ne’e sei iha área saida-saida”, dehan Primeiru-Ministru Taur Matan Ruak ba jornalista sira, hafoin remata enkontru semanal ho Prezidente Repúblika Dr. Francisco Guterres, kinta-feira ne’e.

Xefe Governu realsa, kona-ba ba pakote ekonomia nia envergadura, wainhira Komisaun Interministerial sira prepara detalladu no konkretu ona, mak Governu sei anunsia ba públiku, maibé  klaramente katak Governu iha situasaun hanesan ne’e, nu’udar obrigasaun atu ajuda  nia povu ne’ebé enfrenta hela problema ekonómiku ,  nune’e bele reduz impaktu ekonomia iha sosiedade. HOTU