PM-TMR MANTEIN LISTA NARAN NA’IN 9 NE’EBÉ REZEITADU, TANBA ARGUMENTU JURÍDIKU PR LÚ OLO FRAKU
Desculpe, este conteúdo só está disponível em Tagalogue. Por uma questão de conveniência para o utilizador, o conteúdo é mostrado abaixo no idioma alternativo. Pode clicar na ligação para alterar o idioma activo.
Dili, 20 Setembru 2018: S. Exa Primeiru-Ministru Taur Matan Ruak, hateten sei kontinua diálogu ho Xefe Estadu Dr. Francisco Guterres Lú Olo, hodi hetan solusaun ba kandidatu membru governu na’in sia (9) ne’ebé Xefe Estadu rekuza fó posse, ho razaun katak sei hasoru hela kazu justisa. Maibe Xefe Governu konsidera katak argumentu Xefe Estadu nian ne’e, juridikamente fraku tebes, tanba ne’e sei mantein lista refere, mas kontinua despostu halo diálogu hodi hetan solusaun.
“Hanesan Primeiru-Ministru tenke ko’alia nafatin ho Sr. Prezidente Repúblika katak argumentu Xefe Estadu nian la konvense ha’u atu altera ha’u nia desizaun, ne’ebé konversa ho Sr. Prezidente sei kontinua, i Sr. Prezidente Repúblika nunka taka odamatan ba Primeiru-Ministru. Ne’ebé, ha’u sei kontinua ko’alia ho Prezidente Repúblika”, dehan Xefe Governu hodi hatán ba imprensa sira, kona-ba bainhira mak bele hetan solusaun ba kandidatu na’in sia (9) ne’ebé Xefe Estadu rekuza fó posse, hafoin remata enkontru semanal ho Xefe Estadu iha Palasiu Prezidente Nicolau Lobato-Dili, Kinta feira ohin.
Xefe Estadu hatutan, Governu ne’ebé nia lidera, sustenta hosi AMP ne’ebé iha laran Partidu tolu, CNRT, PLP no KHUNTO ho nia reprezentasaun iha Governu tanba ne’e atu muda naran sira ne’ebé Xefe Estadu rekuza, presiza iha konsensu entre Partidu koligasaun. Maibé Eis Xefe Estadu ne’e realsa katak, la iha razaun atu subtitui kandidatu sira ne’e, tanba razaun Xefe Estadu nian fraku tebes.
“Atu muda naran ne’e tenke diskute iha nivel AMP, tanba ha’u nia Governu ne’e sustenta hosi Partidu tolu (3) ne’ebé hamaan-an iha Aliansa, i agora mai tan rua, ne’ebé Primeiru-Ministru labele foti desizaun mesak, i aleinde Primeiru-Ministru dehan ba Xefe Estadu katak nia argumentasaun legal fraku, tanba ne’e tenke ko’alia nafatin”, tenik Xefe Governu.
Nune’e Xefe Governu apela ba ema hotu atu pasiénsia hodi hein hetan solusaun, tanba so ho pasiénsia, kalma no serenidade mak bele rezolve impasse. HOTU
Media-GPM