Primeiru-Ministru Taur Matan Ruak Husu Atleta Sira Dixiplina Iha Jogu SEA GAMES Filipina
Desculpe, este conteúdo só está disponível em Tagalogue. Por uma questão de conveniência para o utilizador, o conteúdo é mostrado abaixo no idioma alternativo. Pode clicar na ligação para alterar o idioma activo.
Dili, 15 Novembru 2019: S.Exa. Primeiru-Ministru Taur Matan Ruak husu ba atletas nasionál sira atu hatudu dixiplina iha durante jogu SEA GAMES ba dala 30º ne’ebé sei hala’o iha Filipina entre loron 30 fulan Novembru 2019 to’o loron 11 fulan Dezembru 2019.
Xefe Governu hato’o mensajen ne’e ba reprezentante atletas nasionál wainhira despede Xefe Governu sesta feira ne’e iha Palasiu Governu, antes atu desloka ba Filipina hodi tuir SEA Games 2019.
Iha despedida ne’e reprezentante atletas hetan akompañamentu hosi Ministru Edukasaun Juventude no Desportu, Dulce de Jesus, Vise Prezidente Komité Olímpiku Nasionál Timor-Leste no Prezidente Konfederasaun Timor-Leste, Xefe Governu hein katak atletas sira sei hatudu prestasaun di’ak hodi hamorin Timor-Leste nia naran iha jogu refere.
Timor-Leste lori modalidade 12 ba jogu SEA GAMES hanesan; futeból voleiból praia, siklizmu, atletizmu, natasaun (nani), tiru, boxe, taekwondo, karaté no silat ho atletas hamutuk na’in 60 hosi númeru ne’e feto 12 no ofisiál sira na’in 34.
Jogu SEA GAMES ba dala 30º ne’e, abertura sei hala’o iha loron 30 fulan Novembru 2019 no hetan partisipasaun atletas hosi Brunei, Kambodia, Indonézia, Laos, Myanmar Filipina hanesan uma na’in, Singapura, Tailándia, Vietnam no Timor-Leste.HOTU