Prezidénsia Konsellu Ministrus

VIII Governu Konstitusionál

……………………………………………………………………………………………………………

Komunikadu Imprensa

Sorumutu Konsellu Ministru iha Loron 27 fulan-Setembru tinan 2019

Konsellu Ministru hala’o sorumutu estraordinária sesta ‘feira ne’e iha Palásiu Governu, iha Díli, no aprova Dekretu Governu, ne’ebé aprezenta husi Ministru Petróleu no Minerais iha ezersísiu, Agio Pereira no husi Autoridade Nasionál Petróleu no Minerais Timor-Leste (ANPM), ne’ebé regula prosedimentu kona-ba afetasaun husi kontratu petrolíferu, ho hare katak realizasaun husi atividade peskiza no produsaun petrolíferu, definidu prosedimentu atu adota ba nia definisaun, afetasaun no ezekusaun.

No Konsellu Ministru mós kontinua analiza Rezolusaun Governu kona-ba autorizasaun ba abertura konkursu públiku ba selebrasaun kontratu petrolíferu, ho hare katak realizasaun atividade husi peskiza no produsaun petrolíferu, tuir lei Atividade Petrolíferu no husi Regulamentu Kontratasaun Públika Petrolíferu.

Ministru Agrikultura no Peska iha ezersísiu, Fidelis Leite Magalhães, hala’o aprezentasaun ida ba Konsellu Ministru kona-ba moras fahi ne’ebé halo fahi sira mate hotu iha Timor laran tomak. Equipa MAP haruka ona amostra (sampel)  husi animal ne’ebé moras no haruka ba Austrália hodi halo teste no ho ida ne’e  rezultadu konfirma katak animal sira ne’e kona moras Africa Swine Fever . Moras ida ne’e  hanesan moras ne’ebé kontajioza aas entre animál sira hotu, maibé moras ida ne’e la fó impaktu ba ema nia saúde no nasaun Aziátiku barak mak afeta moras ASF. Ministru Agrikultura no Peska halo mós kolaborasaun di’ak ho Governu Austrália hodi foti medidas nesesáriu atu hamenus efeitu husi moras ASF ida ne’e, atu hamenus ka evita bele iha remédiu, kura ou vasina. REMATA