Dili, 17 Outubru 2018: S. Exa. Primeiru-Ministru Taur Matan Ruak, Tersa-feira semana ne’e partisipa iha reuniaun Konsellu Superior Defeza no Seguransa (CSDS-sigla Portugés) ne’ebé mak prezide hosi Prezidente Repúblika, Dr. Francisco Guterres Lú Olo, Tersa-feira ne’e iha Palasiu Prezidente, Nicolau Lobato Dili, relasiona mandatu CEMGFA atuál Major Jenerál Lere Anan Timur, ne’ebé nia mandatu remata ona iha fulan Outubru ne’e.

Iha reuniaun refere, Xefe Estadu  ho membru sira diskute no rona  opiniaun no sujestaun sira kona-ba ba kargu Xefe Estadu Maior Jenerál Forsa Armada (CEMGFA-sigla Portugés), nian molok Xefe Estadu foti desizaun tuir proposta Governu nian.

Ba jornalista sira, Xefe Kaza Militár Prezidénsia Repúblika, Koronél Maucalo esplika: “Ohin hala’o reuniaun Konsellu Superior Defeza no Seguransa, Prezidente Repúblika hala’o reuniaun ida ne’e, para atu bele konsulta kona-ba ajenda prinsipál liuliu re-kondusaun ka re-novasaun mandatu Xefe Estadu Maior Jenerál Forsa Armada nian no ida fila fali atu nomeia Xefe Estadu Maior Forsa Armada”.

Tuir Artigu 86 KRDTL, Prezidente Repúblika mak prezide Konsellu Superior Defeza no Seguransa, no iha alinea m  hateten : Nomear e exonerar, sob proposta do Governo, o Chefe do Estado-Maior General das Forças Armadas, o Vice-Chefe do Estado-Maior-General das Forças Armadas e os Chefes de Estado-Maior das Forças Armadas, ouvido, nos últimos casos, o Chefe do Estado-Maior-General das Forças Armadas;HOTU

#MediaGPM