Primeiru-Ministru Taur Matan Ruak Informa Preparasaun Debate OJE 2020 no Serimónia Proklamasaun nian ba Xefe Estadu
Dili, 21 Novembru 2019: S.Exa. Primeiru-Ministru Taur Matan Ruak, Kinta-feira ne’e hala’o enkontru semanal ho Prezidente Repúblika, Dr. Francisco Guterres Lú Olo, iha Palasiu Prezidente Nicolau Lobato, Dili, hodi informa kona-ba preparasaun debate ba Orsamentu Jeral Estadu tinan 2020 ne’ebé sei hahú nia jeneralidade iha Segunda feira semana oin, aleinde informa mós kona-ba preparasaun ba serimónia komemorasaun tinan 44º Proklamasaun Independia RDTL nian.
“Ne’e enkontru semanal ho S. Exa. Sr. Prezidente Repúblika, ami ko’alia buat rua de’it, ida mak kona-ba 28 Novembru, no ida seluk mak Orsamentu Jeral Estadu”, esplika Xefe Governu ba ekipa Media, hafoin remata enkontru semanal ho Xefe Estadu. HOTU