Dili, loron 26 fulan-novembru tinan 2020 –  Sua Eselénsia Primeiru-Ministru  Taur Matan Ruak, kinta ne’e hala’o sorumutu semanal ho Prezidente Repúblika, Dr., Francisco Guterres Lú Olo, iha Palasiu Prezidente Nicolau Lobato, hodi informa atividade Governu nian hanesan programa rekuperasaun ekonómika kurtu prazu nian sesta bázika, pagamentu subsídiu $200 ba família reklamante sira no solista Xefe Estadu ba estensaun Estadu Emerjénsia relasiona ho KOVID-19 hodi evita pandemia ne’e imigra mai rai-laran.

“Ne’e enkontru semanal ho Señór Prezidente i aproveita ba    Prezidente kona-ba atividades ne’ebé Governu dadauk ne’e hala’o liuliu ida mak kona-ba sesta bázika, pagamentu ba ita nia reklamante sira no ida seluk mak ko’alia kona-ba Estadu de Emerjénsia Covid ne’ebé ita agora kazu laiha, 30 ne’ebé rekopera hotu ona mas ita prevene di’akliu halo estensaun Estadu de Emerjénsia nafatin”, esplika Xefe Ezekutivu ba jornalista sira hafoin reuniaun semanal ho Xefe Estadu.

Aproveita biban ne’ebá, jornalista sira husu kona-ba programa sesta bázika ne’ebé hetan protestu hosi komunidade balun, kestaun Xefe Suku sira ladún atende di’ak sidadaun sira iha baze, pedidu adisionál ba ro berlin Nakroma no seluk tan. HOTU/M-GPM